U ZŠA chakiery vykrali DNK-źviestki ŭžo amal 7 miljonaŭ čałaviek
Pieršapačatkova chakiery atrymali asabistyja danyja kala 14 tysiač klijentaŭ kampanii 23andMe. Ale paśla złamyśniki zavałodali taksama danymi karystalnikaŭ, u jakich była ŭklučana funkcyja «DNK-svajaki».
06.12.2023 / 11:26
Amierykanskaja kampanija 23andMe, jakaja pravodzić hienietyčnyja testavańni, zajaviła ab maštabnaj uciečcy źviestak. Da chakieraŭ trapiła piersanalnaja infarmacyja amal 6,9 miljona jaje klijentaŭ.
Jak paviedamlaje The Guardian, 23andMe pradastaŭlaje pasłuhi pa vyznačeńni hienieałohii čałavieka i vyznačaje stan jaho zdaroŭja na asnovie analizu DNK.
Pieršapačatkova chakiery atrymali asabistyja dadnyja kala 14 tysiač jaje klijentaŭ. Dla hetaha jany vykarystoŭvali elektronnyja pošty i paroli, jakija atrymali praz uzłomy inšych sajtaŭ.
Ale paśla złamyśniki zavałodali taksama danymi karystalnikaŭ, u jakich była ŭklučana funkcyja «DNK-svajaki».
Dziakujučy joj možna paraŭnoŭvać hienietyčnyja profili roznych klijentaŭ 23andMe. Takim čynam jany atrymali piersanalnuju infarmacyju 6,9 miljona karystalnikaŭ — heta amal pałova ad usich zarehistravanych klijentaŭ 23andme.
Čytajcie taksama:
Źviestki biełarusaŭ skradzienyja z amierykanskaj hienietyčnaj kampanii
Baza danych DNK budzie vykarystoŭvacca dla baraćby z sabačymi fiekalijami ŭ francuzskim horadzie