U Kijevie adkryli pomnik Hieroju Ukrainy, jaki mužna pavodziŭ siabie pierad rasstrełam FOTAFAKT
U Kijevie adbyłosia ŭračystaje adkryćcio pomnika Hieroju Ukrainy Alaksandru Macijeŭskamu. Pomnik ustalavali na terytoryi Nacyjanalnaha historyka-architekturnaha muzieja «Kijeŭskaja krepaść», piša «Ukrinfarm».
06.12.2023 / 18:17
Aŭtary pomnika raskazali, što pracavali nad prajektam bolš za dva miesiacy. Kab stvaryć dakładnuju skulpturu, jany vykarystoŭvali płastylin, hlinu, silikon i kampjutarnyja technałohii. Mastak-skulptar Aleh Coś adznačyŭ, što im važna było pieradać pohlad zahinułaha hieroja.
Raniej pomnik Alaksandru Macijeŭskamu pastavili ŭ horadzie Niežyn na Čarnihaŭščynie, adkul jon byŭ rodam.
Alaksandr Macijeŭski trapiŭ u pałon da rasiejcaŭ kala horada Saladar Danieckaj vobłaści i byŭ rasstralany imi za słovy «Słava Ukrainie!» Pra heta stała viadoma paśla źjaŭleńnia ŭ siecivie zapisanaha akupantami videa.
Čytajcie taksama:
U Niežynie adkryli miemaryjał hierojam-abaroncam Ukrainy
U centry Kijeva źjaviŭsia murał z vyjavaj rasstralanaha rasijanami ŭkrainskaha bajca