Bryhada Čarnihaŭskaj terabarony apaznała ŭ rezanansnym videa svajho bajca — jaho rasstralali paśla słoŭ «Słava Ukrainie!»
U 119-j bryhadzie teraabarony Čarnihaŭskaj vobłaści ličać, što pałonnym ukrainskim bajcom, jakoha rasstralali rasijanie paśla słoŭ «Słava Ukrainie», byŭ sałdat hetaj bryhady Alaksandr Macijeŭski. Raniej paviedamlałasia, što na kadrach inšy čałaviek.
Vajskoŭcy paviedamlajuć, što 30 śniežnia ŭ navakollach Saladara Macijeŭski i jašče čaćviora vajskoŭcaŭ pryniali sustrečny boj. U toj ža dzień suviaź ź imi źnikła. Padmacavańnie nie zmahło prarvacca da miesca ich pazicyi z-za bieśpierapynnaha minamiotnaha abstrełu i ščylnaha ahniu.
Na raspaŭsiudžanym videa Macijeŭskaha paznała maci, jaho syn Michaił i vajskoŭcy jaho padraździaleńnia.
29 śniežnia Macijeŭski apošni raz patelefanavaŭ maci. U toj razmovie jon skazaŭ joj, što «nikoli nie zdasca ŭ pałon».
Cieły abaroncaŭ, jakija zahinuli ŭ tym bai, byli pieradadzienyja ŭkrainskamu boku i 14 lutaha 2023 hoda vajskoŭca pachavali ŭ Niežynie Čarnihaŭskaj vobłaści.
Jamu było 42 hady.
Raniej va USU paviedamlali, što na videa vajskoviec 30-j miechanizavanaj bryhady Cimafiej Šadura.
U davieranaj asoby Łukašenki zabrali biznes pad Hrodnam: «Na paroh vyjšaŭ niejki mužyk i zajaviŭ, što ŭpieršyniu mianie bačyć»5
Kamientary