Дональда Туска абралі прэм'ер-міністрам Польшчы
Дональда Туска абралі ў парламенце прэм'ер-міністрам Польшчы. За кандыдата прагаласавала 248 чалавек, супраць — 201. Раней дэпутаты польскага Сейма вынеслі вотум недаверу былому прэм'ер-міністру Матэвушу Маравецкаму, тым самым адмовіўшыся працягнуць яго паўнамоцтвы.
11.12.2023 / 21:51
Дональд Туск. Фота: Omar Marques/Getty Images
«Хачу падзякаваць полькам і палякам — тым, хто ўсе гэтыя гады не губляў веру, што ўсё наладзіцца і мы выганім цемру. З заўтрашняга дня мы выправім тое, што было зроблена, каб кожны адчуваў сябе ў Польшчы як дома», — заявіў Туск.
12 снежня Дональд Туск прадставіць сваю праграму і склад урада, пасля чаго ў Сейме адбудзецца яшчэ адно галасаванне. Афіцыйна Дональд Туск зойме пасаду прэм'ера, калі яго прысягу прыме прэзідэнт Польшчы Анджэй Дуда.
Чытайце таксама:
Польскі парламент не зацвердзіў прэм'ерам Матэвуша Маравецкага. Улада памяняецца
Новы ўрад Маравецкага ўжо прынёс прысягу перад прэзідэнтам Польшчы. Але ёсць адно істотнае але