Donalda Tuska abrali premjer-ministram Polščy
Donalda Tuska abrali ŭ parłamiencie premjer-ministram Polščy. Za kandydata prahałasavała 248 čałaviek, suprać — 201. Raniej deputaty polskaha Siejma vynieśli votum niedavieru byłomu premjer-ministru Matevušu Maravieckamu, tym samym admoviŭšysia praciahnuć jaho paŭnamoctvy.
11.12.2023 / 21:51
Donald Tusk. Fota: Omar Marques/Getty Images
«Chaču padziakavać polkam i palakam — tym, chto ŭsie hetyja hady nie hublaŭ vieru, što ŭsio naładzicca i my vyhanim ciemru. Z zaŭtrašniaha dnia my vypravim toje, što było zroblena, kab kožny adčuvaŭ siabie ŭ Polščy jak doma», — zajaviŭ Tusk.
12 śniežnia Donald Tusk pradstavić svaju prahramu i skład urada, paśla čaho ŭ Siejmie adbudziecca jašče adno hałasavańnie. Aficyjna Donald Tusk zojmie pasadu premjera, kali jaho prysiahu prymie prezident Polščy Andžej Duda.
Čytajcie taksama:
Polski parłamient nie zaćvierdziŭ premjeram Matevuša Maravieckaha. Ułada pamianiajecca
Novy ŭrad Maravieckaha ŭžo prynios prysiahu pierad prezidentam Polščy. Ale jość adno istotnaje ale