Karpiankoŭ źjaviŭsia na vučeńniach z šaŭronam PVK «Vahnier»
Namieśnik ministra ŭnutranych spraŭ — kamandujučy ŭnutranymi vojskami Mikałaj Karpiankoŭ źjaviŭsia na zborach bajcoŭ śpiecpadraździaleńniaŭ u kurtcy z šaŭronam PVK «Vahnier». Na šaŭronie namalavany kontur Biełarusi z čerapam i nadpis «Śpiecnaz VV MVD PMC Wagner Group», zaŭvažyŭ Reform.by.
22.12.2023 / 21:41
Fota: t.me/vvmvdrb
Jak paviedamlaje telehram-kanał unutranych vojskaŭ MUS, zbory prachodzili ŭ navučalnym centry ŭnutranych vojskaŭ, a taktyka-śpiecyjalnuju padrychtoŭku na ich pravodzili «instruktary z bajavym vopytam».
Raniej ściah PVK «Vahnier» zaŭvažyli na pakazalnym vystupleńni atrada śpiecnaza «Tarnada» ŭ vajskovaj čaści 3310 u Minsku. Jon visieŭ na fłahštoku pobač ź dziaržaŭnym ściaham Biełarusi i ściaham śpiecnaza.
Prapahandyst z Russia Today Kanstancin Prydybajła tady zajaviŭ, što «vahnieraŭcy» ŭvajšli ŭ skład śpiecnaza «Tarnada».
Čytajcie taksama:
Bajeviki «Vahniera» ŭvajšli ŭ skład śpiecnaza MUS Biełarusi? Prynamsi jość dźvie prykmiety
«Poc» — heta maleńki člen u maleńkaha chłopčyka». Karpiankoŭ blisnuŭ u linhvistycy