«Poc» — heta maleńki člen u maleńkaha chłopčyka». Karpiankoŭ blisnuŭ u linhvistycy
Kamandujučy ŭnutranymi vojskami Biełarusi Mikałaj Karpiankoŭ akazaŭsia śpiecyjalistam u linhvistycy i raskłaŭ, čamu nie varta hladzieć papularny rasijski sieryjał «Słova pacana».
«Što takoje pacan? Heta taki voś atrymlivajecca termin kryminalna— habrejskaha asiarodździa. Poc — heta maleńki člen u maleńkaha chłopčyka. I voś ujaŭlajecie «słova pisiuna»? Što takoje atrymlivajecca — «słova pisiuna» i «kroŭ na asfalcie»? To-bok, kali heta raskłaści, užo voś bačycca va ŭsim hetym niejkaje hłupstva», — kaža Karpiankoŭ.
Jon dadaje, što dziaciej u vajskova-patryjatyčnych kłubach nazyvajuć chłopcami, maładymi ludźmi. U śpiecnazie mnohija instruktary nazyvajuć padletkaŭ «braciškami». Pavodle Karpiakova, heta ŭzvyšaje, daje pravilnyja aryjenciry padletkam, i «sa šlachu hetaha jany nie sabjucca».
Darečy, Alaksandr Łukašenka nieadnojčy vykarystoŭvaŭ słova «pacan». Najpierš jon lubić užyvać jaho ŭ dačynieńni da siabie. Voś niekalki jaho cytat, jakija dało huhleńnie.
«Sam ja, jašče pacanom, nastaŭnikam pačynaŭ, tolki ŭ mianie było 24 hadziny ŭ tydzień».
«Mnie pryjšłosia jašče pacanom, 20-hadovym, kali skončyŭ svaju pieršuju VNU, słužyć u pamiežnych vojskach, u vojskach Kamiteta dziaržaŭnaj biaśpieki, na zachodniaj miažy».
«Ja, pracujučy ŭ sielskaj haspadarcy, sparadziŭ pieršych dzieviać fiermieraŭ u Savieckim Sajuzie. Pieršych pryvatnikaŭ. Ziamlu im vydzieliŭ i inšaje. I Michaił Harbačoŭ mianie tady, «saplivaha pacana», za heta chvaliŭ».
Vykarystoŭvaŭ Łukašenka heta słova i ŭ dačynieńni da syna Koli.
«Dvumstam ź lišnim ludziam zabaranili ŭjezd [na Zachad]. Za što? Navat majmu pacanu, jon ža ŭ vybarach nie ŭdzielničaje, jon uvohule daloki ad hetaha. Navošta, havaru, vy heta zrabili?»
Navat siłavikoŭ jon tak nazyvaŭ, nie ŭvažajučy na «maleńkija pisiuny».
«Vy prasili ačyścić vulicy Minska i darohi ad bandytaŭ. Ja vam heta zrabiŭ! Siłaj, žaleznaj volaj, pacanami, jakich siońnia šalmujuć (ich baćkami), my brali zbroju, nas byli adzinki, i my ich kvasili na darohach! 32 bandy ŭ Minsku! Vialikaja kolkaść na bresckaj trasie! Złodziejaŭ i bandytaŭ, jakija zabivali našych ludziej! My ich za paŭhoda ŭsich prybrali!»
Karpiankoŭ adreahavaŭ na kanfierencyju kalinoŭcaŭ: My navat sabak nie pryvodzili ŭ bajavuju hatoŭnaść
U Biełarusi farmirujecca ŭžo šostaje novaje padraździaleńnie śpiecnaza — Karpiankoŭ
«Zjechali 350 tysiač tych, chto nas nie padtrymlivaje». Zjaviŭsia zapis vystupu Karpiankova na vajskovych zborach va ŭnutranych vojskach
Adnu z hałoŭnych rolaŭ u sieryjale «Słova pacana» vykonvaje biełaruska. Voś chto heta takaja
Ź jakoha rajona, čušpan? Što za sieryjał «Słova pacana», jaki rvie rejtynhi
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava22
Kamientary
Čakajem adkaz pisiuna))