Biełaruskich palitviaźniaŭ čamuści pieravodziać u inšyja kałonii
Jak stała viadoma «Našaj Nivie», niekatorych palityčnych viaźniaŭ biełaruskich PK niečakana pieravodziać u inšyja kałonii. Pryčyny pieravodu nieviadomyja.
23.12.2023 / 16:56
Etap adbyvajecca siońnia, 23 śniežnia. Pieravod zakranie viaźniaŭ z PK-15, što ŭ Mahilovie, z PK-22 («Voŭčyja nory») la Ivacevičaŭ i z PK-1 (Navapołack). Ale havorka idzie nie pra ŭsich palitviaźniaŭ — pieravodziać tych, chto maje daŭžejšyja terminy i bolš «ciažkija artykuły», u tym liku viaźniaŭ sa «śpisu terarystaŭ».
Nieviadoma, što pasłužyła pryčynaj pieravodu. Kali vy majecie bolš infarmacyi pra heta, pišycie redaktaru «Našaj Nivy» ŭ TH, na nivanasha@gmail.com ci nivanasha@proton.me.
Albo pišycie asabista tym žurnalistam ci redaktaram «Našaj Nivy», kaho vy znajecie i kamu daviarajecie (lepš — u sihnał ci telehram).
Čytajcie taksama:
U Ivacevickaj kałonii sa studzienia prybiaruć videazvanki dla viaźniaŭ
Palitviazień, hramadzianin Rasii, pajechaŭ ź biełaruskaj turmy na vajnu