Pucin pasyłaje sihnały pra hatoŭnaść da pieramoŭ z Ukrainaj — The New York Times
Uładzimir Pucin jak minimum ź vieraśnia pasyłaje z dapamohaj tak zvanaj «zakulisnaj dypłamatyi», u tym liku praz urady trecich krain, sihnały pra hatoŭnaść «damovicca», raskazali vydańniu The New York Times dva byłyja vysokapastaŭlenyja rasijskija čynoŭniki, blizkija da Kramla, a taksama amierykanskija i mižnarodnyja aficyjnyja asoby.
23.12.2023 / 23:30
Uładzimir Pucin. Fota: Contributor/Getty Images
Pa słovach surazmoŭcaŭ vydańnia ŭ ZŠA, Pucin namiakaŭ na hatoŭnaść spynić bajavyja dziejańni va Ukrainie jašče vosieńniu minułaha hoda, paśla niaŭdałych dla rasijskaj armii vajennych dziejańniaŭ na Charkaŭščynie. Ciapier ža jon, maŭlaŭ, znoŭ «adkryty da spynieńnia ahniu» pa ciapierašniaj linii frontu, choć zachoŭvaje vajaŭničuju rytoryku ŭ svaich vystupleńniach.
Pry hetym niekatoryja amierykanskija čynoŭniki dapuskajuć, što Kreml čarhovy raz sprabuje ŭvieści ŭsich u zman, i ŭ realnaści Pucin nie pojdzie ni na jakija kampramisy. Byłyja rasijskija čynoŭniki ličać, što Pucin u lubym vypadku moža źmianić svajo mierkavańnie, kali jahonyja ŭzbrojenyja siły dabjucca pośpiechaŭ na poli boju.
Rasiejskija krynicy miarkujuć, što Pucin paličyŭ by za najlepšaje pryjści da parazumieńnia jak maha chutčej, u tym liku da mahčymaha viartańnia Donalda Trampa na pasadu prezidenta ZŠA, choć niekatoryja analityki, naadvarot, upeŭnienyja, što rasijski lidar imkniecca zaciahnuć vajnu da prezidenckich vybaraŭ u Amierycy.
Jašče adna krynica nazyvaje idealnym varyjantam dla Kramla pačatak pieramoŭ da prezidenckich vybaraŭ u Rasiei, jakija čakajucca ŭ sakaviku.
Surazmoŭcy adznačyli, što prapahanda bieź nijakich ciažkaściaŭ vydaść «status-kvo» ŭ vypadku jaho dasiahnieńnia ŭ jakaści pieramohi Rasii i prapanuje rasijskaj aŭdytoryi «śviatkavać» adkryćcio «suchaputnaha maršrutu ŭ Krym», adbićcio rasijskimi vojskami padtrymanaha Zachadam ukrainskaha kontrnastupleńnia, a taksama anieksiju čatyroch ukrainskich rehijonaŭ, chaj sabie Rasija i nie kantraluje ich całkam.
Roznahałośsi z nahody ŭstupleńnia Ukrainy ŭ NATA pry hetym nie stanuć pieraškodaj dla pieramovaŭ, bo aljans naŭrad ci prymie krainu ŭ najbližejšaj budučyni, zajaviŭ adzin z byłych rasiejskich čynoŭnikaŭ.
Pres-sakratar Pucina Dźmitryj Piaskoŭ ŭ adkaz na zapyt NYT nazvaŭ tezisy, vykładzienyja ŭ materyjale, «niepraŭdzivymi» i źviarnuŭ uvahu na niadaŭnija pucinskija kamientary, što mety «śpiecapieracyi» nie źmianilisia.
Čytajcie taksama:
Zimoj 2024/25 hoda Rasija moža pasprabavać atakavać Jeŭropu — Bild
Ci stanie vajna va Ukrainie pazicyjnaj? Tłumačyć ekśpiert
Zialenski raskazaŭ pra paŭmiljonnuju mabilizacyju i adnosiny z Załužnym
Kamandujučy Suchaputnymi vojskami Ukrainy nazvaŭ asnoŭnyja napramki, na jakich nastupajuć rasiejcy