Niamieckaje vydańnie Bild sa spasyłkaj na ŭłasnuju krynicu ŭ adnoj ź jeŭrapiejskich raźviedak piša, što Rasija nibyta moža nanieści ŭdar pa Jeŭropie ŭ toj momant, kali ZŠA apynucca «bieź lidara», a tamu zmohuć pryjści na dapamohu jeŭrapiejskim dziaržavam tolki paśla niekatoraj zatrymki.
Havorka idzie pra pieryjad pamiž sychodam z pasady ciapierašniaha prezidenta ZŠA ŭ pačatku listapada 2024 hoda i ŭstupleńniem na pasadu jaho patencyjnaha pierajemnika ŭ studzieni 2025 hoda.
Sa słoŭ supracoŭnika raźviedki, rasijskija ŭłady spadziajucca, što były prezident ZŠA Donald Tramp znoŭ zojmie Bieły dom, bo pry im «moža adbycca ŭsio, što zaŭhodna».
Raniej Barys Pistoryus, ministr abarony Hiermanii, zajaviŭ u intervju vydańniu Welt am Sonntag, što Niamieččynie nieabchodna mieć lepšuju padrychtoŭku da abarony krainy:
«Ciapier u nas jość kala piaci-vaśmi hadoŭ, za jakija my pavinny nahnać stračanaje — jak va Uzbrojenych siłach, u pramysłovaści, tak i ŭ hramadstvie».
Taksama stała viadoma, što Hiermanija maje namier da 2027 hoda pierakinuć u Litvu čatyry tysiačy sałdat bundeśviera. Takim čynam, upieršyniu ŭ historyi Hiermanii na pastajannaj asnovie budzie raźmieščana cełaja jaje bryhada na ŭschodnim fłanhu NATA, pobač ź miažoj z Rasijaj.
Taksama Pistoryus zaklikaŭ adnavić u Hiermanii abaviazkovy vajskovy pryzyŭ.
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki6
Kamientary
A ciapier - atrymali z terytoryi Biełarusi rasiejski bałkon dla napadu na Jeŭropu.