Załužny paviedamiŭ, što USU adyšli ad Marjinki, jakoj «bolš niama»
Hałoŭnakamandujučy Uzbrojenymi siłami Ukrainy Valeryj Załužny zajaviŭ, što horada Marjinki ŭ Danieckaj vobłaści bolš niama. Pra heta jon skazaŭ na pres-kanfierencyi 26 śniežnia.
26.12.2023 / 17:39
Zrujnavany horad Marjinka na Danieččynie. Fota: Facebook / Hienieralny štab USU
Kamientujučy zajavu rasijskaha ministra abarony Siarhieja Šajhu ab poŭnym zachopie Marjinki, Załužny skazaŭ, što ŭkrainskija vojski sapraŭdy adyšli: u niekatorych miescach jany akapalisia na ŭskrainach Marjinki, a ŭ inšych — krychu dalej.
Sa słoŭ Załužnaha, rasijskaja armija moža «kancentravać siły i moža rabić za dva-try miesiacy toje, što jany zrabili z Bachmutam».
«My budziem abaraniać roŭna stolki, kolki chopić sił. Ale kali budziem razumieć, što lepš zachavać ludziej, to paśla advajujem heta», — skazaŭ Załužny.
Napiaredadni ministr abarony Rasii Siarhiej Šajhu dałažyŭ Uładzimiru Pucinu, što rasijskaje vojska całkam zachapiła Marjinku ŭ Danieckaj vobłaści. U svaju čarhu, va Uzbrojenych siłach Ukrainy zajavili, što bai za horad praciahvajucca.
Rasijskaja armija viała bajavyja dziejańni za Marjinku, dzie da pačatku poŭnamaštabnaj vajny žyło kala dzieviaci tysiač čałaviek, pačynajučy z sakavika 2022 hoda.
Čytajcie taksama:
Rasija zajaviła pra zachop ruin Marjinki. Jakoje vajennaje značeńnie maje hety haradok
Pucin pasyłaje sihnały pra hatoŭnaść da pieramoŭ z Ukrainaj — The New York Times
Zialenski raskazaŭ pra paŭmiljonnuju mabilizacyju i adnosiny z Załužnym
Kamandujučy Suchaputnymi vojskami Ukrainy nazvaŭ asnoŭnyja napramki, na jakich nastupajuć rasiejcy