«Столькі цэляў адначасова на нашым маніторы мы яшчэ не бачылі», — спікер Паветраных сіл Украіны
Наступствы начнога і ранішняга ўдару расейцаў па Украіне.
29.12.2023 / 10:14
«Столькі цэляў адначасова на нашым маніторы мы яшчэ не бачылі», — спікер Паветраных сіл Юры Ігнат пракаментаваў наступствы ракетнай атакі.
Паводле яго слоў, Расія сёння запускала ўсе ракеты, акрамя «Калібраў». А менавіта — «Кінжалы», балістыку, С-300, крылатыя ракеты, БПЛА, Х-22 або Х-32.
Каля 18 стратэгічных бамбардзіроўшчыкаў запускалі Х-101/Х-505.
У Падольскім раёне ўкраінскай сталіцы гарыць склад: шмат параненых. Іх колькасць удакладняецца. Агонь ахапіў каля 3000 м2, паведамляе гарадская адміністрацыя.
У Святошынскім раёне гарэлі незаселены шматпавярховік і тры прыпаркаваныя аўтамабілі. Адзін пацярпелы.
У Шаўчэнкаўскім — пашкоджанні жылога дома, гарэлі гаражы, склады і нежылая забудова, 6 пацярпелых.
У Дарніцкім — пашкоджанне жылога дома.
Адзін са снарадаў трапіў па станцыі метро «Лук'янаўская», цягнікі на ёй не спыняюцца.
Чытайце таксама:
Ноччу і раніцай адбываецца масіраваная атака на Украіну ракетамі і беспілотнікамі
У Львове, Харкаве і Чаркасах уначы прагучалі выбухі
Вайсковы эксперт дае прагноз па сітуацыі на фронце ва Украіне на наступны год