U Arhiencinie zafiksavali chvarobu, ź jakoj nichto ŭ śviecie nie sutykaŭsia amal 30 hadoŭ
Z zachvorvańniem na konski encefalit u čałavieku apošni raz u śviecie sutykalisia ŭ 1996 hodzie. Paśla ŭvieś hety čas virus jak byccam źnik i nie fiksavaŭsia. Adnak zusim niadaŭna pieršy ŭ ciapierašnim stahodździ paćvierdžany vypadak zachvorvańnia vyjaviŭsia ŭ Arhiencinie.
29.12.2023 / 21:06
Zdymak ilustracyjny. Fota: Yulia Gapeenko / vecteezy.com
Suśvietnaja arhanizacyja achovy zdaroŭja adznačyła, što konski encefalit raniej u Arhiencinie vyjaŭlali ŭ 1982-83 hadach. Tady tam praciahvałasia ŭspyška chvaroby siarod koniej.
Ciapier ža zachvareŭ rabočy na vioscy. U jaho baleła i kružyłasia hałava, pačałasia lichamanka, pacyjent byŭ dezaryjentavany. Kali mužčynu pryvieźli ŭ balnicu, lekary pačali intensiŭnuju terapiju i štučnuju vientylacyju lohkich. Akramia taho, u Arhiencinie ŭspyški chvaroby vyjavili i siarod koniej u niekatorych pravincyjach krainy.
Konski encefalit ličycca redkim zachvorvańniem, jakoje pieranosiać maskity. Encefalit paražaje hałaŭny mozh. Ryzykujuć zachvarećludzi, jakija žyvuć i pracujuć na śviežym pavietry ŭ toj miascovaści, dzie prajaŭlajucca aktyŭnyja ŭspyški zachvorvańniaŭ siarod žyvioł.
Čytajcie taksama:
U ZŠA ŭpieršyniu zaćvierdžanaja terapija, zasnavanaja na redahavańni hienaŭ
«Pabačyŭ na skury darožku z ukusaŭ». Jak biełarus zmahaŭsia z paścielnymi kłapami
Vyrasła kolkaść vypadkaŭ chvaroby Łajma paśla ŭkusu klaščoŭ. U jakich rajonach lutujuć klaščy