U Rasii pa abvinavačańni ŭ dziaržaŭnaj zdradzie ŭpieršyniu asudzili školnika
30.12.2023 / 15:56
Heta 18-hadovy žychar Adyhiei Kievin Lik.
Kievin Lik. Fota: vk.com
Razhlad spravy prachodziŭ u zakrytym režymie. U paviedamleńni pres-słužby suda havorycca, što Lik z 23 śniežnia 2021 hoda pa 8 lutaha 2023 hoda «ažyćciaŭlaŭ vizualnaje nazirańnie» i fatahrafavaŭ u Majkopie «miescy dysłakacyi» rasijskaj vajskovaj čaści. Fatahrafii jon pa je-mejle adpraŭlaŭ «pradstaŭniku zamiežnaj dziaržavy», piša Bi-bi-si.
Matyvami jaho dziejańniaŭ, pa viersii suda, była «niazhoda z palityčnym kursam» Rasii i praviadzieńniem «śpiecyjalnaj vajennaj apieracyi».
Lik atrymaŭ čatyry hady kałonii ahulnaha režymu — heta ŭ try razy nižej za minimalny termin, jaki praduhledžvaje artykuł ab dziaržzdradzie.
Taki pryhavor byŭ vyniesieny z ulikam źmiakčalnych abstavin — uzrostu na momant učynieńnia złačynstva, supracoŭnictva sa śledstvam, pryznańnia viny i «mnohich pieramoh na roznych alimpijadach».
Čytajcie taksama:
Niamiecki raźviedčyk pradaŭ FSB sakretnyja raźviedźviestki ab Ukrainie za 800 000 jeŭra
Suprać advakata i byłoha znataka Illi Novikava ŭ Rasii zaviali spravu ab dziaržzdradzie