Suprać advakata i byłoha znataka Illi Novikava ŭ Rasii zaviali spravu ab dziaržzdradzie
FSB padazraje jaho ŭ datyčnaści da «ździajśnieńnia dziaržaŭnaj zdrady ŭ formie pierachodu na bok praciŭnika». Heta karajecca pažyćciovym źniavoleńniem.
Advakat i były znaŭca pieradačy «Što? Dzie? Kali?» Illa Novikaŭ prachodzić pavodle spravy ab dziaržaŭnaj zdradzie, paviedamlaje RBK sa spasyłkaj na FSB.
Śpiecsłužba padazraje jaho ŭ datyčnaści da ździajśnieńnia dziaržaŭnaj zdrady ŭ formie pierachodu na bok praciŭnika. Art. 275 KK praduhledžvaje pazbaŭleńnie voli až da pažyćciovaha.
Novikaŭ u Rasii abaraniaŭ zachoplenuju ŭ pałon ukrainskuju lotčycu Nadzieju Saŭčanku i režysiora Aleha Siancova.
Jon z 2021 hoda žyvie ŭ Kijevie, dzie ŭ sudzie baraniŭ eks-prezidenta Piatra Parašenku. U minułym śniežni MUS Rasii abviaściła jaho ŭ vyšuk, artykuł nie raskryvaŭsia. Illa ŭ minułym hodzie ŭ Kijevie pastupiŭ u terytaryjalnuju abaronu, sa zbrojaj u rukach baronić Kijeŭ.
U pačatku 2000-ch hadoŭ jon byŭ adnym z najlepšych hulcoŭ «Što? Dzie? Kali?», uładalnikam «Bryljantavaj savy» (2014) i dvuch «Kryštalnych sovaŭ» (2004, 2014), ale paśla taho, jak staŭ advakatam Nadziei Saŭčanki, jaho vykinuli ź intelektualnaha kłuba, a kamandu Alesia Muchina, dzie ŭ toj čas hulaŭ Illa, adnojčy navat nie dapuścili da hulni.
Čytajcie taksama:
Advakat, były znatok «Što? Dzie? Kali?» Illa Novikaŭ: «Ja bolš nie rasijski juryst. Ja ŭkrainiec»
-
Na abvinavačańni ŭ chłuśni Atlantic apublikavaŭ novyja skrynšoty z uradavaha čata ŭ Signal. Tramp adkazaŭ novymi abrazami ŭ adras hałoŭnaha redaktara
-
Zialenski spadziajecca, što ZŠA nie sastupiać patrabavańniam Rasii ab źniaćci sankcyj
-
Novaja apieracyja handlovaj vajny: Donald Tramp uvodzić 25-pracentnyja pošliny na impart aŭtamabilaŭ
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść6
Kamientary