Były biełaruski palitviazień zrabiŭ u Izraili jalinku z abłomkaŭ rakiet FOTAFAKT
Były biełaruski palitviazień z Homiela Aleh Baradzin zrabiŭ jalinku z abłomkaŭ rakiet, jakija znajšoŭ kala doma ŭ Izraili, piša «Štodzień».
01.01.2024 / 21:32
«Voś takija surovyja navahodnija jalinki ŭ Izraili. Zbudavaŭ sabie adnu z reštkaŭ paleścinskich i izrailskich rakiet, što znajšoŭ kala doma z pačatku vajny.
Pamier jalinki nievialiki — usiaho 70 sm, ale heta toj momant, kali ja ščyra rady, što jana takaja maleńkaja i mnie prosta nie chapiła materyjału», — napisaŭ Aleh Baradzin.
Aleh Baradzin raniej žyŭ u Homieli, byŭ dyrektaram meblevaj vytvorčaści. Supracoŭniki KDB zatrymali jaho 29 sakavika 2022 hoda za toje, što mužčyna sfatahrafavaŭ dvuch rasijskich vajskoŭcaŭ napadpitku.
U vyniku mužčynu pryznačyli 15 sutak aryštu za padpisku na «ekstremisckija» telehram-kanały. Paśla vyzvaleńnia ź IČU Aleh daznaŭsia, što na jaho raspačali kryminalnuju spravu, paśla čaho ź siamjoj pakinuŭ Biełaruś.
Čytajcie taksama:
U adnym ź minskich kaściołaŭ jość niezvyčajnaja jalinka. Jana visić u pavietry
NASA apublikavała zdymak «kaladnaj jalinki» ŭ kosmasie
U Hrodnie sa 160 mašyn skłali vializnuju fihuru zubra FOTAFAKT