Biełarusbank pačaŭ vydavać kredyty na ajčynnyja tavary pad 4%
Z 4 studzienia Biełarusbank zapuskaje novy kredyt na spažyvieckija patreby «Na rodnyja tavary». Jak havorycca na sajcie banka, zroblena heta z metaj stymulavańnia handlu tavarami biełaruskich vytvorcaŭ.
04.01.2024 / 11:12
Kredyt budzie vydavacca na 3 hady pad fiksavanuju na ŭvieś termin staŭku 4% hadavych dla nabyćcia tavaraŭ biełaruskich vytvorcaŭ. Heta mebla, chaładzilniki i marazilniki, pralnyja, kuchonnyja, pasudamyjnyja mašyny, rovary, mapiedy, matacykły, televizary, motabłoki, mini-traktary i inš.
Maksimalnaja suma kredytu zaležyć ad płaciežazdolnaści zajaŭnika, ale nie moža pieravyšać 300 bazavych vieličyń (pa stanie na 03.01.2024 — 12 000 rub.).
Kredyt vydajecca bieznajaŭnym pieraličeńniem na rachunki pradaŭcoŭ.