Prybiralščycu asudzili za kamientar da «chatniaj chimii» i vialikaha štrafu
Stała viadoma, što 5 śniežnia 2023 hoda ŭ sudzie Leninskaha rajona Minska vyniesieny prysud prybiralščycy Natalli Baulinaj, piša «Viasna».
04.01.2024 / 19:52
Natallu Baulinu pryznali vinavataj pavodle art. 369 (abraza pradstaŭnika ŭłady) Kryminalnaha kodeksa i asudzili da dvuch z pałovaj hadoŭ abmiežavańnia voli biez nakiravańnia ŭ PUAT («chatniaj chimii»). Taksama jana musić vypłacić štraf u pamiery 100 bazavych vieličyniaŭ (3700 rubloŭ).
Prysud ahučyła sudździa Maryna Klimčuk. Žančyna pryznała vinu, ale admoviłasia davać śviedčańni na sudzie.
Baulinu sudzili za kamientar u telehram-kanale «Biełaruś za MKADom» ad 1 vieraśnia, u jakim jana nibyta abraziła namieśnika hienprakurora Siarhieja Chmaruka. Mienš čym praź miesiac jaje zatrymali: viadoma, što Natalla ŭtrymlivałasia pad vartaj z 30 vieraśnia 2023 hoda. Paśla abviaščeńnia prysudu jaje vyzvalili ŭ zale suda.
Čytajcie taksama:
Pad palityčnyja represii patrapiŭ žłobinski čynoŭnik
U Breście za «abrazu Łukašenki» asudzili čyhunačnika Maksima Krondu
Byłoha vajskoŭca Paŭła Kučynskaha asudzili da 19 hadoŭ źniavoleńnia