Ihumieńnia Haŭryiła pra tych, chto vyjechaŭ: Nie pakajucca — pramaja daroha ŭ piekła
7.01.2024 / 21:30
Nastajacielka Śviata-Rastvo-Baharodzičnaha žanočaha manastyra ŭ Hrodna ihumieńnia Haŭryiła vykazałasia pra ludziej, jakija źjechali ź Biełarusi paśla pratestaŭ, aścierahajučysia palityčnaha pieraśledu.
Skryn videa STB
Jana zajaviła, što kali b tyja skazali Łukašenku «Darujcie nam», usio było b inakš.
«Hordaść — heta adzin ź siami śmiarotnych hrachoŭ. Kali jany ŭ hetym nie pakajucca — pramaja daroha ŭ piekła. Ale ž prezident, u jaho miłaścivaje serca, jon daruje. Kali b Alaksandr Ryhoravič naš nie daravaŭ tym, chto praviniŭsia, to tady, napeŭna, mała b ludziej było na voli»,
— prakamientavała ihumieńnia hrodzienskaha žanočaha manastyra ŭ pieradačy Ryhora Azaronka na STB.
«Kožny biahun, jaki źbieh ad nas. Ty lepš viarnisia, niachaj z taboj papracujuć tavaryšy ź milicyi, sumlennyja, paradačnyja, ciabie da paradku pryviaduć, i ty znoŭ stanieš tym, kim ty, moža, byŭ», — nastaŭlała jana.
A pad kaniec skazała, što ŭ Biełarusi mirnaje, spakojnaje žyćcio i pa prośbie Azaronka błasłaviła jaho.
Čytajcie taksama:
Asabisty kiroŭca — kadebist, u siabrach — pamočnik Łukašenki. Chto takaja matuška Haŭryiła z Hrodna
Ihumieńniu Haŭryiłu ŭklučyli ŭ Knihu słavy Hrodzienskaj vobłaści, taja ŭ adkaz zachvaliła Łukašenku
Patryjarch Kirył ušanavaŭ «ruskamirnuju» aktyŭnaść ihumieńni Haŭryiły ordenam
«Dva dni hareŭ tvar». Ihumieńnia Haŭryiła raspaviała, što trapiła pad polski vadamiot