Na aŭkcyjon vystavili hadzińnik «Łuč» z vyjavaj Biełaha doma i pryśviačeńniem Biłu Klintanu
Kolki jon kaštuje?
09.01.2024 / 10:23
Na adnym ź biełaruskich aŭkcyjonaŭ vyjaviŭsia cikavy łot. Heta naručny hadzińnik «Luch» z vyjavaj Biełaha doma i pryśviačeńniem Biłu Klintanu, źviarnuła ŭvahu Blizko.by.
Na čornym cyfierbłacie adlustravany Bieły dom u ZŠA, staić podpis The White House. Washington.
Krychu nižej — Luch. Quartz. Made in Belarus.
Na viečku možna pračytać i pryśviačeńnie: Bill Clinton. USA-Belarus 1994 Minsk
Hadzińnik acenieny ŭ 388 rubloŭ (121 dalar).
Vidavočna, hadzińnik pryśviečany vizitu Biła Klintana ŭ Minsk. Jon prylacieŭ 15 studzienia 1994 hoda i pravioŭ tut usiaho šeść hadzin.
Z anłajn-katałohaŭ viadoma, što taksama «Luch» vypuściŭ anałahičny hadzińnik, prymierkavany da vizitu Klintana, tolki na cyfierbłacie namalavanyja dziaržaŭnyja ściahi ZŠA i Biełarusi.
Čytajcie taksama:
Na AliExpress pradajuć vielmi dziŭny čyrvona-zialony płašč sa ściaha FOTAFAKT
U Baranavičach na aŭkcyjonie pradajuć aŭtohraf nibyta Juryja Haharyna. Cana niemaleńkaja