U miastečku Radaškovičy, što za 30 km ad Minska, na aŭkcyjon vystavili dźvie kvatery pa 29 kvadrataŭ ź dziŭnaj pačatkovaj canoj — kožnuju ź ich acanili prykładna ŭ 100 dalaraŭ. Što heta za žyllo i ŭ jakim jano stanie, raźbiraŭsia Realt.by.
Dakładny adras — vulica Maksima Horkaha, 23. Dom, u jakim jany raźmieščany, draŭlany, adnapaviarchovy, šmatkvaterny (takija ŭ narodzie nazyvajucca «baraki»). Pabudavany ŭ 1970 hodzie i, zdajecca, sučasnaha ramontu ŭ im nie było: na dachu šyfier, vokny draŭlanyja.
Žyłpłoščy vystaŭlenych na tarhi kvater nievialikija — 29,4 m2 i 29,7 m2. Jany majuć asobnyja ŭvachody i składajucca z adnaho žyłoha pakoja, kuchni, kalidora i kamorki.
Ahulny stan nie ŭkazvajecca, ale, miarkujučy pa fota, — biez ramontu nie abyścisia.
Aciapleńnie piačnoje — u kožnaj kvatery svaja pieč-plita. Vada z kałodzieža.
Dom staić na ŭčastku 15 sotak — jon ahulny dla ŭsich žycharoŭ. U supravadžalnaj dakumientacyi havorycca pra «prava pastajannaha karystańnia».
Pradaŭcom źjaŭlajecca AAT «Kupała-Ahra». Pačatkovy košt hetych kvater nievysoki — pieršuju acanili ŭsiaho ŭ 312 rubloŭ, druhuju ŭ 315 rubloŭ.
Aŭkcyjon adbudziecca 23 studzienia ŭ 12.00 pa adrasie: Minsk, vulica Čkałava, 5, kabiniet 324. Zajavy na ŭdzieł i nieabchodnyja dakumienty prymajucca da 19 studzienia ŭklučna.
Što zapisana aficyjnaj pryčynaj śmierci adzinaha syna Jarmošynaj?9
Kamientary