«Дзеці скардзіліся на галаўны боль і ваніты». Дырэктарка мінскай школы расказала пра кішачную інфекцыю ў яе вучняў
Сёння з'явілася інфармацыя, што ў мінскай школе № 165 некалькі дзяцей захварэлі на кішачную інфекцыю. Аказалася, што першыя паведамленні пра тое, што яны сябе кепска адчуваюць, з'явіліся ў бацькоўскіх чатах яшчэ 9 студзеня. Дырэктарка навучальнай установы Наталля Зялкоўская расказала «Мінск-Навінам» некаторыя падрабязнасці.
10.01.2024 / 23:06
Фота ілюстрацыйнае
«Дзеці скардзіліся на галаўны боль і ваніты. Пасля 20:00 некаторыя бацькі напісалі пра тое, што выклікалі дзецям хуткую дапамогу ў сувязі з пагаршэннем іх стану», — расказала дырэктарка.
У 22:00 такія самыя сімптомы праявіліся і ў некаторых вучняў другой змены.
З-за гэтых падзей раніцай 10 студзеня ў школе № 165 былі праведзеныя эпідэміялагічнае расследаванне і санітарна-супрацьэпідэмічныя мерапрыемствы. Абследавалі як умовы захавання і прыгатавання ежы, так і персанал харчаблока. Пра вынікі абследавання пакуль нічога не паведамляецца.
Чытайце таксама:
У мінскай школе шпіталізавалі вучняў з-за кішачнай інфекцыі
Ці такі ўжо бясшкодны ферментаваны іван-чай?
Ці закрываць унітаз перад змываннем? Навукоўцы далі канчатковы адказ