Праз праблемы з фінансаванне прыпыніў працу сайт kyky.org
Медыяпраект Kyky, які існуе з 2010 года і займаў нішу гарадскога анлайн-часопіса ў Мінску, прыпыняе працу сайта праз праблемы з фінансаваннем. Пра гэта паведамляе «Белсат», спасылаючыся на ўжо былога рэдактара выдання Віктаар Малішэўскага.
13.01.2024 / 17:41
Сайт выдання kyky.org
Паводле Віктара Малішэўскага, частка журналістаў застаецца ў праекце, працягне працу інстаграма і тыктока выдання, але сайт вымушана прыпыняе працу.
Пасля выбараў 2020 года рэдакцыя Kyky, як і большасць незалежных медыяў, была вымушаная пакінуць Беларусь. Сузаснавальнік выдання бізнэсмен Аляксандр Васілевіч быў асуджаны нібыта за ўхіленне ад выплаты падаткаў (ч. 1 арт. 243 КК) да 3 гадоў калоніі. Ён быў прызнаны палітвязнем, а пасля вызвалення выехаў з Беларусі.
Апошнім часам пра праблемы з фінансаваннем і з-за гэтага пра магчымасць абмежавання ці ўвогуле спынення працы гаварылі і прадстаўнікі іншых беларускіх незалежных СМІ.
Чытайце таксама: