За «экстрэмізм у сацсетцы» аштрафавалі намесніцу дырэктара каледжа
Суддзя суда Браслаўскага раёна Вольга Пракопчык 8 снежня за распаўсюд «экстрэмізму» ў сацыяльнай сетцы аштрафавала на 925 рублёў намесніцу дырэктара па вучэбна-вытворчай працы Відзаўскага дзяржаўнага прафесійна-тэхнічнага каледжа Людмілу Капусту, піша «Віцебская вясна».
15.01.2024 / 18:35
Людміла Капуста
На судовым пасяджэнні высветлілася, што Людміла Капуста ў асабістым профілі ў сацыяльнай сетцы «УКантакце» размясціла і захоўвала інфармацыйную прадукцыю групы «Радыё Свабода-Беларусь», уключаную ў рэспубліканскі спіс «экстрэмісцкіх» матэрыялаў.
У сувязі з тым, што жанчына прызнала сваю віну, суддзя Пракопчык на падставе ч. 2 арт. 19.11 КаАП пакарала жанчыну штрафам у даход дзяржавы на суму 925 рублёў.
Чытайце таксама:
Яшчэ адзін чыноўнік з Гомельшчыны не туды ставіў лайкі
Жыхара Ліды аштрафавалі за бел-чырвона-белую налепку на дзвярах