Тэлеграм-канал мастака Бохана, вядомага сваімі пранкамі, прызналі «экстрэмісцкім»
Тэлеграм-канал беларускага мастака Улада Бохана прызнаны «экстрэмісцкімі» матэрыяламі. Так 12 студзеня вырашыў суд Баранавіцкага раёна і Баранавічаў.
16.01.2024 / 20:22
Уладзіслаў Бохан
Уладзіслаў Бохан вядомы пранкамі. Ён рассылаў беларускім, расійскім і ўкраінскім настаўнікам лісты з патрабаваннямі далучацца да розных флэшмобаў. Напрыклад, ён правёў «Дзень апрычніка» ў школах на тэрыторыях Украіны, часова акупаваных расійскімі войскамі. Яшчэ ён зрабіў сябе Героем Расіі, і прымусіў правесці акцыі ўшанавання ў расійскіх школах.
У спіс «экстрэмісцкіх» матэрыялаў таксама патрапілі:
Telegram-каналы і чаты «Солигорская игра», «Нация лидеров», «Беларускі фонд спартыўнай салідарнасці/BSSF», «Беларусы ў ЗША», «ШОС»;
інстаграм-старонкі «belarus tv», «karina.jр»;
старонкі ва «Укантакце» «Partizan | orchestra», «Першы Рэгiён», «Вячеслав Шевяко»;
фэйсбук-старонка «BG.Media»;
старонка ў «Аднакласніках» «ЕЛЕНА БОРСУК»;
тыкток-старонкі «nil_la», «POLINA_DOZOR», «Belarus», «BelarusyWarszawa», «Жыве Беларусь!».
Чытайце таксама:
Беларус даслаў у расійскія школы загад правесці малебен. Яго правялі, але давялося сурова нагадваць