Łukašenka siońnia nie hulaje ŭ chakiej. Traŭma
Pryncypovy matč, a jaho niama na ladovaj arenie.
20.01.2024 / 12:38
Fota: Puł pieršaha
Supiernikam jahonaj kamandy siońnia źjaŭlajecca zbornaja Mahiloŭskaj vobłaści.
Kamanda Łukašenki dzielić pieršy radok ź Minskaj vobłaściu. U kožnaj — pa 9 ačkoŭ. U hety dzień staličny rehijon taksama hulaje — z Brestam. Tak što siońnia — matč za lidarstva, piša BiełTA.
«Ale Łukašenka siońnia ŭ matčy ŭdziełu nie biare. Traŭma. Ale — nie śpiašajemsia z kanśpirałahičnymi viersijami!», — zaznačaje BiełTA.
U hetym siezonie Łukašenka ŭziaŭ udzieł va ŭsich raniejšych čatyroch hulniach: zakinuŭ adnu šajbu i zarabiŭ šeść asistaŭ.