Купалаўцы сёння прэзентуюць на ютубе новы спектакль
А 20-й гадзіне па Мінску.
20.01.2024 / 14:48
«Камедыю Юдзіфі» купалаўцы ўжо паказвалі некалькі разоў у Польшчы, але анлайн для гледачоў з розных краін яе прэзентуюць упершыню.
«Каханенькія нашы родненькія! Як і абяцалі, не будзем прымушаць вас чакаць! Сёння, а 20-й (Менск) / а 18-й (Варшава), на нашым YouTube-канале прэм’ера эксперыментальнага спектакля «Камедыя Юдзіфі» (рэж. Павел Пасіні)», — паведамляюць яны ў сваім інстаграме.
Зоя Белахвосцік, выканаўца галоўнай ролі, кажа, што гэты спектакль пра ўсе войны свету, былыя, сённяшнія і будучыя.
«Жах перад ворагамі — выклік для Юдзіфі, яе веры, чысціні, годнасці і вернасці свайму народу! Яна выбірае подзвіг. Але гэтая жанчына — не ікона, яна адна з нас».
- Аўтар п’есы — Сяргей Кавалёў
- Рэжысёр — Павел Пасіні
- Сцэнаграфія — Аляксандра Канарская
- Пераклад — Наталля Русецкая, Малгажата Бухалік, Васіль Сёмуха
Ролі выконваюць — Зоя Белахвосцік, Аляксандр Гарцуеў, Аляксандр Казела, Валянціна Гарцуева.
Нагадаем, што ўвосень 2020 года большасць акцёраў і персаналу Купалаўскага тэатра пакінулі яго і былі вымушаныя выехаць з краіны.
Чытайце таксама: