Хто ў беларускім ютубе робіць крутыя відэагутаркі? Шэсць рэкамендацый для прагляду на доўгія зімовыя вечары
За апошнія гады ў ютубе з'явілася шмат беларускіх праектаў, якія ўводзяць гледачоў з расійскай інфармацыйнай прасторы і спрабуюць зацікавіць беларускім парадкам дня. Свае ток-шоу, свае кулінарныя батлы, свае вечаровыя перадачы. «Наша Ніва» расказвае пра тое цікавае, што можна паглядзець. У гэтай частцы — каналы з інтэрв'ю.
ТОК | TALK
Кожныя два тыдні Наста Роўда з камандай прэзентуе відэагутаркі з вядомымі беларусамі. Сярод нядаўніх ролікаў — кранальнае інтэрв'ю з экс-палітзняволенай Вольгай Гарбуновай, філасофская размова з дызайнерам Уладзімірам Цэслерам, пазітыўная і нязломная БЧБ-нявеста і былы дыпламат Павел Слюнькін з цікавымі інсайдамі, назапашанымі ў кулуарах беларускай палітыкі. І канечне, лідарка дэмакратычных сіл Святлана Ціханоўская.
Жыццё-маліна
Калі ў вас ёсць інтэрнэт, вы амаль дакладна ведаеце Мікіту Мелказёрава і яго праект з вялікімі і нярэдка рэзананснымі інтэрв'ю. Мікіта цяпер, бадай, самы вядомы беларускі інтэрв'юер. На яго канале ўжо амаль паўтары сотні відэагутарак, але Мелказёраў не збаўляе абароты: за апошнія месяцы ён пагутарыў, напрыклад, з экс-купалаўцам Міхасём Зуем, знакамітым беларускім комікам Яўгенам Смарыгіным і штурмавіком Палка Каліноўскага.
Перетрем с Халезиным
Рэжысёр Мікалай Халезін таксама вырашыў сустракацца з вядомымі беларусамі, але месца выбраў нестандартнае. Разам з гасцямі Халезін гатуе на кухні розныя стравы і адначасова гутарыць з імі пра жыццё. На кухні ў Мікалая ужо былі, сярод іншых, джазмен Канстанцін Гарачы з жонкай, баскетбалістка Кацярына Сныціна і пратэстанцкі пастар Зміцер Хведарук.
ЧестнОК
Праект спартовых журналістаў Сашы Івуліна і Яраслава Пісарэнкі. Ад першага — гутаркі з беларусамі, якімі варта ганарыцца: напрыклад, тут ёсць футбольная легенда Аляксандр Хацкевіч і пісьменнік Саша Філіпенка. Што да Пісарэнкі, ён хутка і проста раскрывае інфанагоды беларускага спорту. Звярніце ўвагу на архіў канала: там, напрыклад, футбольнае рэаліці «А Саша выйдзе?».
Максимально
Праект для тых, каму ў гэтым свеце не хапае гендарнай разнастайнасці, ды і плюралізму меркаванняў. Блогер Максім Паршута знаходзіць цікавых беларусак з розных сфераў (ад кіно да адвакатуры і праўладных кабінетаў) і гутарыць з імі — адкрыеце для сябе шмат нечакана цікавых суразмоўцаў.
Беларуская мечта
«Марым, як зменіцца Беларусь», — анансуецца ў апісанні на канале. Пра гэта вядучая Каця Раецкая і размаўляе з гасцямі. Так, з выкладчыкам Сяргеем Альшэўскім абмяркоўвае адукацыю, з аналітыкам Паўлам Данэйкам — эканоміку, з рэжысёрам Мікалаем Халезіным — тэатр.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным9
Каментары