Jašče 5 čałaviek pryznali palitviaźniami
24 studzienia pravaabaroncy pryznali palitviaźniami 5 čałaviek. Ahulnaja kolkaść ludziej, jakija na siońniašni dzień źjaŭlajucca palitviaźniami, składaje 1420 čałaviek.
24.01.2024 / 19:13
Imiony i proźviščy novych palitviaźniaŭ — Hanna Kruk, Piatro Patapovič, Alena Patapovič, Uładzisłaŭ Fiedarovič, Vadzim Čaraŭko.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1420 čałaviek. Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Čytajcie taksama:
Učora pad pieraśled trapili sama mieniej 100 čałaviek — pravaabaroncy
Učora padčas chapuna zatrymali byłuju aktyvistku strajkama na «Palimiry» Alenu Vinakuravu
Suzasnavalnik «Bajchełpa»: Kali my sydziem, palitviaźniam u Biełarusi nichto nie dapamoža