Якія даручэнні даў Лукашэнка новаму міністру аховы здароўя — гэта смешна
Прызначаючы новага кіраўніка міністэрства аховы здароўя, Лукашэнка даў яму заданні. Адно з іх — скончыць з кланавасцю ў Міністэрстве аховы здароўя.
25.01.2024 / 12:56
«Павінны быць выключна прафесіяналы. Адданыя сваёй справе і дзяржаве людзі. Гэта найважнейшы элемент. І я вельмі разлічваю на гэта.
Ведаю, што вы чалавек пазакланавы. Хоць у Міністэрстве аховы здароўя ў нас там і сямейныя дынастыі так званыя, і кланы, і іншае. Чаго толькі не хапае там. Гэтага быць не павінна», — сказаў Лукашэнка Аляксандру Хаджаеву, які, як даведалася «Наша Ніва», менавіта кланавы чалавек. Бацька Хаджаева быў першым намеснікам міністра здароўя. А сам ён пачынаў працу побач з Уладзімірам Каранікам у РНПЦ анкалогіі.
Таксама Лукашэнка распавёў іншыя патрабаванні да кадраў у сістэме новага кіраўніка.
«Адданы справе чалавек, прафесіянал, дзяржаўнік.
Каб ён не сядзеў на пасадзе і не глядзеў кудысьці там на суседнюю краіну, як бы хутчэй збегчы — не то грошай больш, ці яшчэ чагосьці.
З гэтым мы таксама разбірацца пачалі», — сказаў Лукашэнка, якія трэба мець кадры ў медыцыне.
«А то ў нас некаторыя збеглыя на Захадзе сядзяць, а тут сваякі і іншыя робяць тое, што тварылі раней. Толькі цішком. Мы гэта бачым і прымаем меры процідзеяння», — дадаў ён.
Чытайце таксама:
Лукашэнка прызначыў новага міністра аховы здароўя
Лукашэнка анансаваў кадравыя «ператрахванні» напярэдадні выбараў
Што вядома пра новага міністра аховы здароўя Аляксандра Хаджаева?