«SB. Biełaruś siehodnia» źmienšyła nakład. Ale manipulatyŭna ŭdvaja zavyšaje realnuju kolkaść asobnikaŭ
Pilnyja čytačy hałoŭnaj łukašenkaŭskaj haziety «SB. Biełaruś siehodnia» źviarnuli ŭvahu, što nakład vydańnia źmienšyŭsia ŭpieršyniu za dva hady. Apošnim časam jon składaŭ 148 989 asobnikaŭ, a ciapier apuściŭsia da 142 718 asobnikaŭ. Padzieńnie amal na 5% — u pryncypie ničoha krytyčnaha ŭ takich źmienach niama.
25.01.2024 / 14:51
Heta realnaja kolkaść drukujemych haziet. Častka ź ich nie pradajecca i paśla adpraŭlajecca ŭ makułaturu, ale ličbaŭ śpisańnia ŭ adkrytym dostupie niama.
Dźmitryj Žuk — hałoŭny redaktar «SB. Biełaruś siehodnia»
Ale varta nahadać, što redaktary «SB. Biełaruś siehodnia» pa-raniejšamu padmanvajuć svajho čytača i zavyšajuć nakład udvaja. Čytač haziety moža ŭbačyć na apošniaj staroncy kožnaha vypusku manipulatyŭnuju farmuloŭku «ahulny nakład 285 436 asobnikaŭ».
Adkul jana ŭziałasia? U haziecie Administracyi prezidenta vykarystoŭvajuć aryhinalnuju machlarskuju stratehiju. Jany miechanična splusoŭvajuć nakład štodzionnaha vypusku «SB» (kala 140-145 tysiač asobnikaŭ u roznyja dni) i nakład biełaruska-rasijskaha «Sajuz» (zhadanyja vyšej 142 718), jaki ŭkładvajuć u kožny asobnik «SB» štočaćvier.
Atrymanaja ličba «ahulnaha nakłada» dazvalaje demanstravać ujaŭnuju papularnaść.
Čytajcie taksama:
Hałoŭred SB: Kali vy pačuli słovy «pravy čałavieka», viedajcie, hety čałaviek — vorah našaj krainy
Hałoŭny redaktar «Sovietskoj Biełoruśsii» pra niezaležnyja ŚMI: Jany rychtujuć pieravarot
Nakład papiarovaj «Sovietskoj Biełoruśsii» źmienšyŭsia jašče na 20%, da 150 tysiač