Mikałaju Chalezinu ŭručyli Orden Brytanskaj impieryi
U Vindzarskim zamku 24 studzienia dramaturh i suzasnavalnik biełaruskaha Svabodnaha teatra Mikałaj Chalezin atrymaŭ Orden Brytanskaj impieryi z ruk pryncesy Anny.
25.01.2024 / 16:23
Orden Brytanskaj Impieryi, jaki atrymaŭ Mikałaj Chalezin
Uznaharodu biełarusu musiŭ uručać sam karol Karł III, ale toj ciapier znachodzicca ŭ špitali.
Raniej, u listapadzie 2023-ha, orden Brytanskaj impieryi atrymała suzasnavalnica biełaruskaha Svabodnaha teatra Natalla Kalada — žonka Mikałaja Chalezina.
Pra toje, što Natalla Kalada i Mikałaj Chalezin uhanaravanyja zvańniami členaŭ ordena Brytanskaj impieryi, stała viadoma ŭ červieni 2023 hoda. Jany byli naminavanyja jašče pry žyćci brytanskaj karalevy Lizaviety II, i heta byŭ apošni śpis kandydataŭ na ŭznaharodu, jaki jana padpisała.
Orden Brytanskaj impieryi — rycarski orden, jaki zasnavaŭ u 1917 hodzie brytanski manarch Hieorh V. Im uznaharodžvajucca dziejačy, jakija zrabili ŭniosak u mastactva i navuku, pracu z dabračynnymi i sacyjalnymi arhanizacyjami, a taksama za dziaržaŭnuju słužbu. Uznaharody prysudžajucca dvojčy na hod: na Novy hod i na aficyjny dzień naradžeńnia kiroŭnaha manarcha.
Čytajcie taksama:
Opieru «Dzikaje palavańnie karala Stacha» ŭžo možna pahladzieć na jutubie
«Emocyi zaškalvajuć i ŭciskajuć u fatel». U Łondanie pastavili «Dzikaje palavańnie karala Stacha»