Taćcianie Sieviaryniec dali drakonaŭski štraf

25 studzienia adbyŭsia adkładzieny sud nad maci palitźniavolenaha Paŭła Sieviarynca Taćcianaj Sieviaryniec. Jaje aštrafavali na 5 400 rubloŭ (135 bazavych vieličyń), piša «Viciebskaja viasna».

25.01.2024 / 18:50

Sudździa Pieršamajskaha rajsuda Viciebska Michaił Jurčanka asudziŭ Taćcianu Sieviaryniec pa dvuch administracyjnych artykułach: č. 2 art. 19.11 (raspaŭsiud «ekstremisckich» materyjałaŭ) i č. 1 art. 24.23 (niesankcyjanavanaje pikietavańnie).

Abodva pratakoły byli składzieny pa vynikach vyvučeńnia staronak spadaryni Taćciany ŭ sacyjalnych sietkach.

Taćcianu Sieviaryniec zatrymali 9 studzienia ranicaj u rodnym Viciebsku. Uviečary taho ž dnia jaje špitalizavali, bo ŭ pažyłoj žančyny padniaŭsia cisk. 

Paśla taho jaje adpuścili dadomu, pryznačyŭšy sud na 25 studzienia.

Čytajcie taksama:

«Raźmiaščała pry cary Harochu». Siłaviki pasprabavali zapisać pakajalnaje videa z Taćcianaj Sieviaryniec

«Moj dziadźka Pavieł». Paŭłu Sieviaryncu — 47 hadoŭ

Barys Chamajda vyjšaŭ na volu da suda

Nashaniva.com