Prapahandysty nazvali imia jašče adnaho biełarusa, jaki vajuje suprać ukraincaŭ
«Minskaja praŭda» nadrukavała materyjał pra apieratara dronaŭ, jaki vajuje na Danbasie. Jaho zavuć Alaksiej Jaršoŭ, pazyŭny «Biełarus», jon načalnik słužby BPŁA 110-j hvardziejskaj motastrałkovaj bryhady 1-ha Danieckaha armiejskaha korpusa.
28.01.2024 / 11:37
Na vajnie Jaršoŭ z 2016 hoda. Rodam jon ź Biełarusi. Słužyŭ u vojsku, u 228-m pałku radyjoelektronnaj baraćby ŭ Połacku.
Jaršoŭ kaža, što metanakiravana pryjechaŭ na vajnu «dapamahać bić vorahaŭ». Spačatku staŭ kulamiotčykam u raźviedcy, a potym u tym ža padraździaleńni apierataram BPŁA.
«Kali ŭ sacyjalnych sietkach publikujuć videaroliki «Udarnyja drony 110-j bryhady 1-ha Danieckaha vajskovaha korpusa vypalvajuć pazicyi USU», to viedajcie, što heta praca «Biełarusa» i jahonych «dranavodaŭ», — piša vydańnie.
Čytajcie taksama:
Rasija zavierbavała na vajnu suprać Ukrainy 200 niepalcaŭ, 14 užo zahinuli