Va ŭkrainskich ŚMI raspaŭsiudžvajecca infarmacyja pra biełaruskaha hramadzianina, jaki, jak śćviardžajecca, niadaŭna zahinuŭ u bai pad Krynkami na Chiersonščynie. Vystaŭlenyja i rečavyja dokazy — dakumienty na imia Łazarava Dzianisa Alaksandraviča.
Dakumienty, jakija naležali nibyta zabitamu biełarusu — biełaruski pašpart, vajskovy bilet aficera zapasu Uzbrojenych sił Biełarusi i dva čyhunačnyja kvitki. Taksama tudy ž dałučany pahon staršaha lejtenanta z palavoj formy.
Sa skanaŭ dakumientaŭ vynikaje, što Dzianis Łazaraŭ naradziŭsia 25 vieraśnia 1976 hoda ŭ Homieli, ale vajskovy bilet byŭ jamu vydadzieny 27 śniežnia 2022 hoda vajskovym kamisaryjatam Minskaha rajona — treba dumać, niedzie pad Minskam jon apošnim časam žyŭ.
Ukrainskija krynicy, jakija raspaŭsiudžvajuć infarmacyju, imknucca davieści, što apublikavanyja dakumienty śviedčać pra «hibrydny» ŭdzieł u vajnie suprać Ukrainy dziejnych aficeraŭ biełaruskaha vojska. Adnak heta vidavočnaja manipulacyja:
vajskovy bilet — nie dziejnaha aficera, a aficera zapasu, a ź infarmacyi ŭ samim bilecie vynikaje, što Łazaraŭ słužyŭ u biełaruskim vojsku vielmi daŭno — z 1995 pa 2004 hod, zvolniŭšysia ŭ zapas z pasady namieśnika kamandzira roty vajskovaj čaści 61357.
Prykładzienyja da dakumientaŭ čyhunačnyja kvitki — davoli dziŭnyja i pakidajuć bolš pytańniaŭ, čym adkazaŭ. Jany ŭziatyja na daty 9 i 11 studzienia, a maršrut pajezdki — Sievastopal — Uljanaŭsk ź pierasadkaj u Razani. Vierahodna, Dzianis Łazaraŭ, kali kvitki naležać jamu, nieŭzabavie musiŭ pakinuć pazicyi pad Krynkami i jechać pa niejkich spravach va Uljanaŭsk.
Pavodle infarmacyi ŭkrainskaha žurnalista Andreja Caplijenki, Łazaraŭ vajavaŭ u składzie 328-ha pałka adnoŭlenaj 104-j desantna-šturmavoj dyvizii ŭ zvańni staršaha lejtenanta. Rasijskaja 104-ja desantna-šturmavaja dyvizija dysłakujecca akurat va Uljanaŭsku, tamu možna mierkavać, što biełarus-najmit źbiraŭsia pierabiracca akurat tudy.
«Usie pryznačanyja abjekty paražonyja» — Minabarony Rasii pra siońniašnija ŭdary pa Ukrainie
«Mianie faktyčna pasłali z bombaj na śmierć». Trepava, što ŭzarvała vajenkara ŭ Pieciarburhu, vystupiła z apošnim słovam
U Kazachstanie bajcu, jaki vajavaŭ va Ukrainie na baku PVK «Vahnier», dali salidny termin
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary
A voś ci jon biełarus, ci ruski - heta jašče treba vyśvietlić.
Proźvišča - 100% ruskaje.
Što skažuć kibierpartyzany? Jakoje ŭ jaho pachodžańnie, adkul jaho baćki, kim pracavali/słužyli?