«Płanujem zrabić usio pryhoža». U Minsku źjavicca kvartał pa kazachstanskich matyvach
Na miescy karpusoŭ zavoda «Santechdetal» uzdoŭž vulicy Čyhunačnaj chutka vyraście Kazachstanski kvartał. Na ŭčastku ziamli niedaloka ad stancyi mietro «Michałova» płanujuć uźvieści sučasnyja panelki, jakija abiacajuć aformić pa kałarytnych kazachstanskim matyvach, piša «Anłajnier».
29.01.2024 / 16:37
Fota: Anłajnier
Adkaznuju zadaču pa znosie zavodskich pabudoŭ i ŭźviadzieńniu na ich miescy novych šmatpaviarchovikoŭ addali dziaržaŭnamu pradpryjemstvu «Upraŭleńnie kapitalnaha budaŭnictva Zachad».
«Na hetym etapie my zaćvierdzili raźmiaščeńnie damoŭ u kvartale, ciapier uzhadniajem z kazachskim bokam ich afarmleńnie. Vierahodniej za ŭsio, damy buduć pabudavanyja dla tych, chto maje patrebu ŭ palapšeńni žyllovych umoŭ. My ŭžo apiaklisia na picierskim kvartale, tamu hety ŭźviadziem u zvyčajnych panelkach. Płanujem usio zrabić pryhoža», — raskazali «Anłajnieru» va UKB «Zachad».
Paśla taho jak źniešni vyhlad vysotak budzie ŭzhodnieny, zabudoŭščyk prystupić da vybaru prajekciroŭščyka. Pa samych aptymistyčnych prahnozach, pačnuć budaŭnictva Kazachstanskaha kvartała ŭ druhoj pałovie 2025 hoda.
Čytajcie taksama:
Jakija handlovyja centry adkryjucca sioleta ŭ Minsku
«Chočam narešcie pažyć pa-ludsku». Jak vyžyvajuć u rajcentry za 90 kiłamietraŭ ad Minska