Rabotnik Śledčaha kamiteta pajšoŭ u deputaty nie ad praŭładnaha śpisu. I navat nie dajšoŭ da vybaraŭ
Administracyja Łukašenki daŭno ŭžo vyznačyła, chto pavinien być pieramožcam na toj ci inšaj vybarčaj akruzie. Kali ž niejki hramadzianin pa ŭłasnaj inicyjatyvie sprabuje stać kandydatam u deputaty-2024, to jon usprymajecca sistemaj jak pieraškoda dla stierylnaści. Navat kali jon sam źjaŭlajecca častkaj sistemy.
31.01.2024 / 10:00
Na vybarach u parłamient pa Biełaviežskaj akruzie №8 źbiraŭ podpisy ŭ svaju padtrymku 50-hadovy Arnold Brahiniec. Jon pracuje viadučym inžynieram va Upraŭleńni Śledčaha kamiteta pa Bresckaj vobłaści.
Adnak Brahiniec nie vyhladaŭ praŭładnym kandydatam — choć i farmalna pradstaŭnik siłavoha viedamstva, ale maje zanadta nizkuju pasadu dla budučaha deputactva.
«Naša Niva» ŭ svaim prahnozie rabiła staŭku na dyrektarku Małaryckaha rajonnaha sacyjalna-piedahahičnaha centra Volhu Barysiuk. Zdajecca, našy raźliki byli słušnyja.
Choć Brahiniec i prynios u vybarčuju kamisiju podpisy ŭ svaju padtrymku, jaho ź niejkaj pryčyny nie zarehistravali. Imia inžyniera SK nie budzie ŭ biuleteniach.
Čytajcie taksama:
110 deputataŭ, jakija trapiać u parłamient-2024, — praviercie śpis paśla vybaraŭ