Asnoŭnaje miesca pracy Leanoviča — tavarystva ŭłaśnikaŭ doma pa adrasie Hvardziejskaja, 8 u Minsku. Jon tam staršynia
Zdajecca, bolš addanaha łukašenkaŭca znajści nierealna. «Leanovič nie prapuściŭ ni adnaho mitynhu i aŭtaprabiehu ŭ padtrymku dziejučaj ułady», — chvaliła jaho BT. Na psieŭdapatryjatyčnaj isteryi Leanovič vyrašyŭ patrapić u Minharsaviet, ale ŭsio pajšło nie tak.
Pa abranaj im Daŭhinaŭski akruzie №45 uzhodnieny praŭładny kandydat byŭ inšym — kiraŭnica rajonnaj palikliniki. Tamu ŭsio skončyłasia dla Leanoviča pradkazalna — jaho navat nie zarehistravali kandydatam.
Kamisija vystaviła jamu try pretenzii. Pa-pieršaje, arhanizatar aŭtaprabiehaŭ prynios dekłaracyju ab dachodach za 2023 hod, a treba było za 2022 hod. Pa-druhoje, na jaho jašče z savieckich časoŭ byŭ zarehistravany niejki aŭtamabil, pra jaki jon zabyŭ. Pa-treciaje, 97% podpisaŭ u jaho padtrymku było ŭniesiena adnoj rukoj.
Vyhladaje, što hetyja 97% i nie dali łukašenkaŭcu stać kandydatam u deputaty.
Leanovič trymajecca badziora i abiacaje pasprabavać u nastupny raz.
