Biełarusy zrabili dakładnuju kopiju doma Šerłaka Chołmsa. Tolki ŭ 23 razy mienšuju
Jak možna zrabić detalovuju kopiju taho, čaho nie isnuje ŭ realnaści? Jak minimum — natchnicca filmam. Tak i zrabili Loša i Śniažana, uziaŭšy za asnovu dom z savieckaj ekranizacyi Šerłaka Chołmsa.
01.02.2024 / 12:12
Paŭtarajecca ŭsio: ad rasfarboŭki špaler da formy leśvičnych słupkoŭ. Na pytańnie «Kolki razoŭ vy pierahledzieli ekranizacyju?» Aŭtaram zastajecca adkazvać tolki «tak», piša Onliner.by.
Para stvaraje pakoj u ramcy, a jašče kopii viaskovych damoŭ pa fota: ź interjerami i biez. Časam natchniajucca i filmami. Nad asabniakom Šerłaka pačali pracavać ź leta, ale najbolš intensiŭnaja častka pracesu zaniała try tydni.
— Samaje składanaje — heta spłanavać. Kali my pracujem nad prajektam pa filmach abo sieryjałach, u nas niama ničoha, akramia videa. Tolki pa im my vyznačajem raźmiaščeńnie, praporcyi i pamiery. Kali my robim kopii isnujučych damoŭ, nam mohuć dasłać vymiareńni, a my ich užo pamianšajem. A tut usio vyklučna «na voka».
Treba ŭvieś interjer padahnać pad naš farmat: adzin bok ahladny, biez mebli. Pradumać, jak pa ŭsim rumie pojduć draty, kab zapalić śviatło. Tut my rabili i asnoŭnaje śviatło, i dadatkovaje, i ahoń u kaminie, — raspavioŭ Onlíner Alaksiej.
Aŭtary pryznajucca, što časta im davodzicca rabić bolš, čym jany sami ad siabie čakali. Usie detali vyrablajucca ŭručnuju. Pracujuć majstry biez 3D-vizualizacyi. Prydatnyja techniki davodzicca sprabavać znoŭ i znoŭ. Dla doma Šerłaka Chołmsa pryjšłosia palepšyć navyki pracy z drevam, epaksidnaj smałoj i hlinaj. Dla prykładu: vyrab usiaho adnaho słupka dla leśvicy zajmaje kala 45 chvilin, a takich treba było 18.
— Ciapier my ničoha nie robim pa dedłajnach, bo heta tvorčaść. Niemahčyma pradbačyć, jak pojdzie praces. Kali vy kali-niebudź rabili ramont, to zrazumiejecie, pra što my. Nieviadoma, kolki času zojmie detal, jakuju my nikoli raniej nie rabili. A takija detali jość u absalutna kožnaj pracy. Plus my zajmajemsia minijaciuraj tolki ŭ volny čas.
Čytajcie taksama:
Akunucca ŭ nastalhiju. Minčuki stvarajuć damki z vašaha dziacinstva ŭ minijaciury
Žančyna z Baranavičaŭ kinuła pracu ŭ škole i stała zarablać na tyldach