Dziatłaŭskaja rajonka prapanuje dałučycca da čat-bota «Pieramoha». Vy surjozna?
Dziatłaŭskaja rajonnaja hazieta «Pieramoha» asvojvaje sučasnyja płatformy i prapanuje čytačam z dapamohaj QR-koda padklučycca da čat-bota ŭ telehramie. Jaho nazva pradkazalna supadaje z nazvaj mabilizacyjnaha płana «Pieramoha».
05.02.2024 / 10:50
Biełarusaŭ, jakija praz čat-bot zarehistravalisia ŭ płanie «Pieramoha», ułady šmatkroć nazyvali terarystami. Suprać stvaralnikaŭ płana — byłych siłavikoŭ z arhanizacyi «Bajpoł» — zaviedzienaja i ŭžo pieradadzienaja ŭ sud kryminalnaja sprava, źviartaje ŭvahu «Radyjo Racyja».
Abvinavačanym inkryminujuć 12 artykułaŭ Kryminalnaha kodeksa, u tym liku zdradu dziaržavie, zakliki da sankcyj, dziejańni z metaj zachopu dziaržaŭnaj ułady, arhanizacyja aktu teraryzmu dy inšaje.
Što budzie, kali milicyja znojdzie ŭ čyim-niebudź smartfonie rehistracyju ŭ čat-bocie dziatłaŭskaj «Pieramohi», nieviadoma. Ad čytačoŭ hazieta mirna čakaje prapanoŭ i materyjałaŭ, jakija redakcyja zmoža vykarystać, kab chutka vyrašać miascovyja prablemy.
Čytajcie taksama:
Lidskaja rajonka zabluryła na fota amierykanski ściah
Rajonka zładziła rejd pa sielskich kramach i ledź znajšła mandaryny
Ministr infarmacyi pryznaŭ, što rajonki ni na što nie zdatnyja