Žurnalist Juraś Dziašuk, jaki rodam ź Biarozaŭki Lidskaha rajona, prahladaŭ sajt miascovaj rajonki i zaŭvažyŭ tam kurjozny fakt. Akazvajecca, jaje supracoŭniki paličyli za lepšaje zabluryć na vopratcy pažyłoha mužčyny, jaki pryjšoŭ na sustreču sa staršynioj rajvykankama, elemienty amierykanskaj simvoliki.
Staršynia Lidskaha rajvykankama Siarhiej Łožačnik 13 śniežnia pravodziŭ vyjazny pryjom hramadzian u ahraharadku Bielica.
Pavodle paviedamleńnia rajonki, «ad miascovych žycharoŭ-piensijanieraŭ i fiermiera byli prapanovy pa palapšeńni miascovaj darožnaj infrastruktury». Taksama viaskoŭcy padymali «pytańni biaśpieki darožnaha ruchu viełasipiedystaŭ i sielhastechniki pa vulicach ahraharadka, sprečnyja momanty pry afarmleńni dakumientaŭ na ziamielnyja ŭčastki i inšyja».
Mierapryjemstva davoli budzionnaje i ničym asabliva nie prykmietnaje, ale Juraś Dziašuk zaŭvažyŭ, što adzin z pažyłych naviednikaŭ vyjaznoj pryjomnaj pryjšoŭ na sustreču ŭ kurtcy, na jakoj byli vyšytyja elemienty amierykanskaj simvoliki. Takija kurtki možna lehalna nabyć u kramach ci na rynkach, dy i ŭvohule amierykanskaja simvolika navat u łukašenkaŭskaj Biełarusi pakul nie zabaronienaja. Ale rajonnyja prapahandysty ad hrachu padalej jaje na ŭsialaki vypadak zabluryli. Choć inšaje fota, źniataje nie bujnym płanam, dazvalaje razabracca, što tam było.
«Absalutna durnaja i biazhłuzdaja ideja — zamazvać ściah ZŠA na fota. Zdajecca, navat u SSSR u časy «chałodnaj vajny» z Amierykaj nie zajmalisia takoj duratoj, jak zaraz u Lidzie. Ideałahičnyja fobii lidskich prapahandonaŭ prabivajuć čarhovaje dno! Ujaŭlaju sabie, jak u ich ažno kryvatočać vočy i idzie piena z rota pry vyhladzie amierykanskaha ściaha», — napisaŭ žurnalist.
Hałoŭnym redaktaram vydańnia «Lidskaja hazieta» z 1 lipienia 2022 hoda źjaŭlajecca Pavieł Ivuć. Pierad tym, jak zaniać hetuju pasadu, jon byŭ načalnikam finansavaha adździeła Ščučynskaha RAUS.
Kiraŭnik ANT Markaŭ: Mnie b chaciełasia, kab my pajšli dalej, kab u atačeńni «Vahniera» i 3214 pili spakojna kavu na Jelisiejskich palach
Prapahandystka parazvažała pra ChatGPT i raskazała, jakoha biełaruskaha dziejača nie zmoža zamianić niejrasietka
Fejkamiot Prydybajła stralaje chałastymi — repościć «hołuju viečarynku ŭ štabie BNF»
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary