Alijeŭ «elehantna» pieramahaje na vybarach u Azierbajdžanie
Ilcham Alijeŭ lidziruje na vybarach prezidenta Azierbajdžana z 92,05% hałasoŭ paśla apracoŭki 93,35% biuleteniaŭ. Jak paviedamlaje Trend, pra heta skazaŭ padčas bryfinhu staršynia Centralnaj vybarčaj kamisii Mazachir Panachaŭ.
08.02.2024 / 07:28
Ilcham Alijeŭ z žonkaj i dočkami hałasavaŭ u Chankiendzi — byłym Ściepanakiercie, byłoj stalicy Nahornaha Karabacha, jaki kapitulavaŭ u vieraśni 2023 hoda
Zachid Arudž atrymaŭ 2,19% hałasoŭ, Razi Nurułajeŭ — 0,8%, Fazil Mustafa — 2%, Elšad Musajeŭ — 0,67%, Hudrat Hasanhulijeŭ — 1,76%, Fuad Alijeŭ — 0,53% hałasoŭ.
Pa vynikach exit poll, praviedzienaha amierykanskaj arhanizacyjaj «Oracle Advisory Group» sumiesna ź Lihaj abarony pracoŭnych pravoŭ hramadzian, 93,9 pracenta vybarščykaŭ prahałasavali za Ilchama Alijeva.
Pa danych TAA «Centr sacyjałahičnych daśledavańniaŭ», 92,4% vybarščykaŭ prahałasavali za Ilchama Alijeva.
U śpisie vybarščykaŭ 6 miljonaŭ 478 tysiač 623 čałavieki. Byli stvoranyja 6 537 vybarčych učastkaŭ pa ŭsioj krainie.
Ilcham Alijeŭ kiruje Azierbajdžanam z 2003 hoda, hetyja vybary byli daterminovyja.
Čytajcie taksama:
Alijeŭ padtrymaŭ prapanovu Łukašenki zabudavać Karabach
Pašynian: U Baku Armieniju nazyvajuć «Zachodnim Azierbajdžanam»