Śviet

Pašynian: U Baku Armieniju nazyvajuć «Zachodnim Azierbajdžanam»

Armianski premjer ličyć padazronym, što Baku nikoli publična nie vykazvaŭ svaju prychilnaść trom pryncypam urehulavańnia.

Nikoł Pašynian. Fota: Contributor / Getty Images 

Premjer-ministr Nikoł Pašynian ličyć, što zajavy Baku pra «Zachodni Azierbajdžan» źjaŭlajucca asnoŭnaj pieraškodaj mirnaha pracesu. Pra heta jon zajaviŭ, vystupajučy na pasiadžeńni Parłamienckaj asamblei ABSIE ŭ Jerevanie, paviedamlaje «Sputnik Armienija». 

Pavodle słoŭ premjera, jość dobryja i drennyja naviny, źviazanyja z armiana-azierbajdžanskim mirnym pracesam. Pašynian nazvaŭ stanoŭčym toj fakt, što asnoŭnyja pryncypy miru z Azierbajdžanam uzhodnienyja.

«Drennaja navina ŭ tym, što my dahetul havorym na roznych movach dypłamatyi i vielmi časta nie razumiejem adzin adnaho. Tamu jość abjektyŭnyja pryčyny: šmathadovy kanflikt, tysiačy achviar, dziasiatki pałonnych, atmaśfiera nianaviści i padazreńni, što za kanstruktyŭnymi zajavami schavanyja niadobryja namiery. Toje, pra što ja kažu, u bolšaj ci mienšaj stupieni adnosicca i da Armienii, i da Azierbajdžana», — adznačyŭ Pašynian.

Armianski premjer ličyć padazronym, što Baku nikoli publična nie paćviardžaŭ prychilnaść trom pryncypam urehulavańnia. Na jaho dumku, heta pahłyblaje atmaśfieru niedavieru. Pavodle jaho słoŭ, vielmi sumnieŭna i toje, što Armieniju ŭ Baku na najvyšejšym uzroŭni nazyvajuć «Zachodnim Azierbajdžanam» i hetuju kancepcyju tyražujuć dziaržaŭnyja ŚMI.

«Heta nam zdajecca padrychtoŭkaj da novaj vajny i novaj vajennaj ahresii, i źjaŭlajecca asnoŭnaj pieraškodaj mirnaha pracesu. My nie razumiejem taksama ŭtrymańnia dziasiatkaŭ pałonnych u Azierbajdžanie. Choć prapanoŭvali vyrašyć pytańnie pa formule, dastojnaj mirnaha paradku dnia — usich na ŭsich», — skazaŭ na zakančeńnie jon.

Pašynian taksama adznačyŭ, što Armienija prapanuje Azierbajdžanu abmierkavać pytańnie ekskłavaŭ i ankłavaŭ. Pavodle jaho słoŭ, Baku bolš za 30 hadoŭ akupavaŭ armianskaje siało na miažy Arcvašen.

«Ekskłaŭ Arcvašen, jaki źjaŭlajecca častkaj suvierennaj terytoryi Armienii, naprykład, bolš za 30 hadoŭ znachodzicca pad azierbajdžanskaj akupacyjaj», — adznačyŭ jon.

Pašynian pradstaviŭ try pryncypy mirnaj damovy z Azierbajdžanam. Pieršy pryncyp abviaščaje, što Armienija i Azierbajdžan pryznajuć terytaryjalnuju cełasnaść adzin adnaho ŭ ramkach 29,8 tys. i 86,6 tys. kv. km adpaviedna. Druhi pryncyp — delimitacyja i demarkacyja miežaŭ pavinny ažyćciaŭlacca ŭ adpaviednaści z Ałmacinskaj dekłaracyjaj ad 1991 hoda, na padstavie savieckich kart 1974—1990 hh. Armienija i Azierbajdžan nie majuć terytaryjalnych pretenzij adno da adnaho i abaviazvajucca ŭ budučyni taksama nie vyłučać nijakich pretenzij. Treci pryncyp tyčycca razbłakoŭki rehijanalnych kamunikacyj u ramkach suvierenitetu, jurysdykcyi i zakanadaŭstva krain, pa jakich jany prachodziać.

Kamientary

Pucin: My zhodnyja z prapanovami spynić bajavyja dziejańni, ale jość niuansy11

Pucin: My zhodnyja z prapanovami spynić bajavyja dziejańni, ale jość niuansy

Usie naviny →
Usie naviny

Što čakaje Połk Kalinoŭskaha paśla mahčymaha pieramirja i ci zojdzie USU na terytoryju Biełarusi? Razvažaje palitołah Mahda7

Troje siabrukoŭ u kramach pry AZS šukali tavary, jakija pradajucca z parušeńniami, a paśla vymahali hrošy ŭ pradaŭcoŭ2

Litva sprabuje pierakanać ZŠA nie zdymać sankcyi ź biełaruskaha kaliju5

Biełarusy stali atrymlivać listy ad machlaroŭ z «nacyjanalnaj palicyi pa narkotykach»

Z sakavika ŭzmacnili kantrol na litoŭskaj miažy? Voś što kažuć4

Raźviedka Hiermanii: Pandemija COVID-19 zdaryłasia praz ŭciečku ŭ KNR7

Dali novyja daty, ale nie ŭsim. Praciah historyi z admienami zapisaŭ na niamiecki šenhien

«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ5

U Buenas-Ajresie razahnali akcyju piensijanieraŭ i fanataŭ Maradony2

bolš čytanych navin
bolš łajkanych navin

Pucin: My zhodnyja z prapanovami spynić bajavyja dziejańni, ale jość niuansy11

Pucin: My zhodnyja z prapanovami spynić bajavyja dziejańni, ale jość niuansy

Hałoŭnaje
Usie naviny →

Zaŭvaha:

 

 

 

 

Zakryć Paviedamić