Takier Karłsan nazvaŭ datu vychadu intervju z Pucinym
Takier Karłsan abviaściŭ, što jaho intervju z Pucinym vyjdzie ŭ noč na 9 lutaha pa maskoŭskim časie. Raniej WSJ pisała, što jon apublikuje intervju 8 lutaha.
08.02.2024 / 07:39
Takier Karłsan. Fota: AP Photo / Lynne Sladky, File
Intervju z prezidentam Rasii Uładzimiram Pucinym budzie apublikavana ŭ 2:00 9 lutaha pa Maskvie (supadaje ź minskim časam), paviedamiŭ amierykanski televiadoŭca ŭ svaim instahramie.
«Takier biare intervju ŭ prezidenta Rasii Uładzimira Pucina. Vyjdzie zaŭtra ŭ 18:00 pa ŭschodnim časie», — padpisaŭ jon publikacyju.
Intervju vyjdzie na jaho sajcie. Raniej The Wall Street Journal pisała, što jano budzie apublikavana 8 lutaha.
Karłsan prylacieŭ u Maskvu 1 lutaha. Paźniej jon apublikavaŭ videapaviedamleńnie, u jakim abviaściŭ, što maje namier uziać intervju ŭ Pucina. Jon patłumačyŭ hetaje rašeńnie tym, što amierykancy «nie majuć ujaŭleńnia» pra toje, što adbyvajecca ŭ Rasii i va Ukrainie. Sa słoŭ televiadoŭcy, zachodnija ŚMI ź lutaha 2022 hoda «nie paturbavalisia» ŭziać intervju ŭ rasijskaha prezidenta, piša RBK.
Čytajcie taksama:
Skandalny žurnalist Takier Karłsan prylacieŭ u Maskvu, kab uziać intervju ŭ Pucina
Piaskoŭ paćvierdziŭ, što žurnalist Takier Karłsan uziaŭ intervju ŭ Pucina