Na pieravydańnie hetaj knihi daviałosia čakać 10 hadoŭ
8.02.2024 / 14:36
Vyjšła čaćviortaje vydańnie viadomaj knihi Aleha Łatyšonka «Žaŭniery BNR».
Fota: Jarasłava Ivaniuka
«Na pieravydańnie hetaj knihi daviałosia čakać 10 hadoŭ!!! Ale jana ŭžo jość!!! Možna rabić zamovy!!! Kniha Aleha Łatyšonka «Žaŭniery BNR» chavaje pad svajoj vokładkaj šmathadovy darobak aŭtara ŭ halinie biełaruskaj vajskovaj spravy», — napisaŭ u svaim fejsbuku vydaviec i aŭtar prajekta Kamunikat.org Jarasłaŭ Ivaniuk.
Padstavaj dla napisańnia knihi staŭ pierakład kandydackaj pracy Łatyšonka pra biełaruskija vajskovyja farmavańni ŭ 1917-1923 hh., apublikavanaj na polskaj movie ŭ 1995 h.
Fota: Jarasłava Ivaniuka
«Nastupny błok adkryvaje vialikaje navukova-papularnaje ese pra hienierała Stanisłava Bułak-Bałachoviča. Ese dapaŭniajuć navukovyja artykuły, pryśviečanyja roznym aśpiektam žyćcia i dziejnaści hienierała. Hetyja dva błoki papoŭnienyja šmatlikimi artykułami, pryśviečanymi paasobnym biełaruskim farmavańniam u roznych armijach i vydatnym biełaruskim vajskoŭcam taho času, a taksama palityčnym aśpiektam zmahańnia za BNR.
Asobny błok stvarajuć artykuły, pryśviečanyja ŭdziełu biełarusaŭ Biełastoččyny ŭ zmahańni za niezaležnuju Biełaruś.
Čaćviortaje vydańnie knihi papaŭniaje pradmova prafiesara Varšaŭskaha ŭniviersiteta Juryja Hryboŭskaha», — napisaŭ Jarasłaŭ Ivaniuk.
Čytajcie taksama:
«Jak nacyja vučyłasia śpiavać». Vyjšaŭ druhi nakład knihi pra Antona Hrynieviča
Andrej Januškievič adkryvaje ŭ Varšavie kniharniu «Knihaŭka»