U zbornaj Biełarusi samy tanny skład u hrupie Lihi nacyj
Nas abahnaŭ navat niekali zdochły Luksiemburh.
09.02.2024 / 12:58
Zbornaja Biełarusi. Fota: ABFF
Sajt Transfermarkt paraŭnaŭ košt składaŭ siarod udzielnikaŭ futbolnaj Lihi Nacyj-2024/25, losavańnie jakoj adbyłosia napiaredadni.
Zbornaja Biełarusi trapiła ŭ hrupie C3 miescy ź Luksiemburham, Bałharyjaj i Paŭnočnaj Irłandyjaj.
Pavodle Transfermarkt, ahulny košt składu biełarusaŭ (za asnovu brałasia abojma hulcoŭ u listapadaŭskich matčach) składaje €12 młn.
Heta bolš čym u 2,5 razy tańniej, čym u Luksiemburha (€31 młn), i ŭ 3 razy tańniej, čym u Bałharyi (€38 młn) i Paŭnočnaj Irłandyi (€39 młn).
Ahulny košt zbornych dyvizijona S Lihi nacyj. (Dyvizijon A — samy mocny, dyvizijon D — samy słaby).
Matčy hrupavoha raŭndu Lihi nacyj projduć uvosień: pieršyja dva tury ŭ pačatku vieraśnia.
Zrešty ŭ suśvietnym rejtynhu FIFA biełarusy na 95-m miescy.
Paŭnočnaja Irłandyja — 72-ja, Bałharyja — 84-ja, Luksiemburh, jaki 18 hadoŭ tamu byŭ 195-m, zaraz idzie na 83-m miescy.
Čytajcie taksama:
Vyznačylisia supierniki zbornaj Biełarusi pa Lizie nacyj UEFA
Kiraŭniku UEFA dazvolili bałatavacca na čaćviorty termin. Ale jamu nie nadta chočacca
11-hadovy futbalist ź Biełarusi Alaksiej Majoraŭ zaklučyŭ kantrakt z Adidas
U finale Kubka Afryki pa futbole zhulajuć supierarły suprać słanoŭ
Vyznačylisia finalisty Kubka Azii pa futbole. Nie abyšłosia bieź siensacyj