11-hadovy futbalist ź Biełarusi Alaksiej Majoraŭ zaklučyŭ kantrakt z Adidas
Juny futbalist ź Biełarusi Alaksiej Majoraŭ zaklučyŭ kantrakt z brendam spartyŭnaha adzieńnia Adidas, zaŭvažyła «Jeŭraradyjo» ŭ instahram-akaŭncie @nashebuduschee.
«Kantrakt na 3 hady z mahčymaściu biez abmiežavańniaŭ ekipiroŭki i vialikaj sumy (suma nie vydajecca). Pažadajem Alaksieju pośpiechu i čakajem navin ad jaho», — pišuć futbolnyja insajdary.
Raniej źjaviłasia infarmacyja, što ispanski kłub «Reał» hatovy zapłacić za junaha futbalista ź Biełarusi 120 tysiač dołaraŭ. Takoje paviedamleńnie apublikavali ŭ pabliku «Biełaruski futboł» sa spasyłkaj na eks-forvarda zbornaj Biełarusi Mikałaja Ryndziuka.
Ciapier Loša hulaje za kłub «Sierdańjoła», raskazvała niekalki miesiacaŭ tamu futbolnaja ahientka ź Ispanii Karyna Šumieta. Pavodle jaje, Majoraŭ moh by treniravacca ŭ akademii «Barsiełony», ale praz prablemy z dakumientami vymušany časova zastavacca ŭ mienšym kłubie.
Junamu biełarusu ŭsiaho 11 hadoŭ. Loša źviarnuŭ na siabie ŭvahu kala piaci hadoŭ tamu, kali na adkryćci fan-zony da Čempijanatu śvietu pa futbole ŭ Minsku zmoh nabić miač 12 tysiač razoŭ. Tady jon treniravaŭsia ŭ futbolnaj akademii minskaha «Dynama», a jašče chadziŭ na zaniatki pa futbolnym frystajle, boksie, baraćbie i płavańni.
Alaksiej hulaje ŭ napadzieńni, a svaim lubimym futbalistam jašče 5 hadoŭ tamu nazyvaŭ Lijanela Miesi, pisała «Trybuna».
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary
https://nashaniva.com/335822