Сейм Літвы перанёс разгляд законапраекту аб пастражэнні праверак грамадзян Беларусі
Сейм Літвы 12 лютага перанёс на веснавую сесію разгляд законапраекту аб працягу абмежаванняў у дачыненні да грамадзян Беларусі і Расіі. Пра гэта паведамляе сайт літоўскага парламента.
12.02.2024 / 22:32
Праект закона прадугледжвае дадатковыя праверкі грамадзян Беларусі на мяжы з Літвой.
У прыватнасці, беларусаў, якія прыбываюць па шэнгенскай візе, будуць правяраць на прадмет пагрозы грамадскаму парадку, унутранай бяспецы, здароўю насельніцтва і міжнародным адносінам.
Памежнікі будуць прымаць рашэнне «аб дадатковым даглядзе грамадзяніна Беларусі на другой лініі кантролю ў пунктах пропуску». Як сцвярджаецца, гэта звязана з ростам актыўнасці «беларускіх спецслужбаў, якія выкарыстоўваюць сваіх грамадзян у Літве».
Чытайце таксама:
У Літве разглядаюць папраўкі ў закон, каб пастрожыць праверкі для беларусаў
Колькі сілавікоў, якія ўдзельнічалі ў рэпрэсіях, з'ехалі ў Еўропу?
Літва прызнала былога міліцыянта Маціевіча пагрозай нацбяспецы