U internet trapili źviestki pra zamovy i telefonnyja numary karystalnikaŭ pieravozčyka Atlas Bus
U kancy hoda KDB zavioŭ suprać kampanii kryminalnuju spravu ab niaspłacie padatkaŭ.
21.02.2024 / 14:45
Ilustracyjnaje fota
U internet trapili źviestki pra zamovy telefonnyja numary karystalnikaŭ pieravozčyka Atlas Bus.
«Słužba infarmacyjnaj biaśpieki «Atłas Bas» vyjaviła ŭciečku źviestak pra zamovy ŭ servisie, u suviazi z uzłomam. U Internet patrapili numary telefonaŭ našych klijentaŭ i techničnaja infarmacyja ab zamovach: data stvareńnia, skład i inšyja padrabiaznaści. Uciečka nie kranuła bankaŭskich i płaciežnych dadzienych, łahinaŭ i parolaŭ — jany ŭ biaśpiecy. Prynosim ščyryja prabačeńni za toje, što zdaryłasia», — paviedamlajecca ŭ zvarocie.
U kancy hoda KDB zavioŭ suprać kampanii kryminalnuju spravu ab niaspłacie padatkaŭ. Siarod abvinavačanych i padazravanych 20 čałaviek. Śledstva miarkuje, što jany sfarmavali «złačynnuju schiemu»: abjadnaŭšy bolš za 300 pieravozčykaŭ i daŭšy im dostup da klijenckich baz, naŭzamien paprasili pieradavać niaŭličanuju hatoŭku.
Čytajcie taksama:
«Uklučalisia šlacham šantažu i pahroz». Pa spravie maršrutčykaŭ KDB uziaŭsia za ahrehatar «Atłas»