Łukašenka: ciapierašniuju ŭładu padtrymlivajuć bolš za 87% nasielnictva
Ciapierašniuju ŭładu padtrymlivajuć bolš za 87% nasielnictva, zajaviŭ Alaksandr Łukašenka na sustrečy z kiraŭnikom Misii nahladalnikaŭ ad SND Siarhiejem Lebiedzievym. Taksama jon padziviŭsia «vysokaj jaŭcy»: «Niečakanaja, ščyra skažu».
26.02.2024 / 12:29
«My, zychodziačy z užo majho dośviedu, sprabujem praanalizavać chod hetaj kampanii. I bačym, što ciapierašniuju ŭładu padtrymlivajuć bolš za 87% nasielnictva. Adnaznačna padtrymlivajuć. Jość nievialikaja kolkaść tych, chto vahajecca. Naturalna, jość i niezadavolenyja ludzi.
My heta vydatna razumiejem. Tamu ŭ hetym elektaralnym cykle nam treba analizavać i rabić adpaviednyja vysnovy, treba sioje-toje vypraŭlać. Takich prablem u nas niašmat. My za hod ich padciahniem, vypravim. I ja ŭpeŭnieny, što ludzi jašče ŭ bolšaj kolkaści pryjduć na prezidenckija vybary», — skazaŭ Łukašenka.
Ale i ŭ hetyja vybary, pavodle Łukašenki, była «niečakana vysokaja» jaŭka.
«Ja nie čakaŭ navat, što ŭ nas budzie takaja jaŭka na vybarach. U nas nikoli nie było ŭ miascovyja saviety, u parłamienckija vybary takoj jaŭki», — ździŭlaŭsia jon.
Pavodle CVK, jaŭka vybarščykaŭ na vybarach skłała bolš jak 73%.
Čytajcie taksama:
Pucin pavinšavaŭ Łukašenku ź pieramohaj «patryjatyčnych sił» na vybarach
Što za naziralniki ź Jeŭropy pryjechali na vybary ŭ Biełaruś